Nola gertatzen da ilargi-eklipse oso bat? 

Ilargi-eklipse osoa Ilargia Eguzkiaren eta Lurraren plano berean, Lurraren atzean, jartzen denean gertatzen da. Hori gertatzen denean, Lurrak espazioan egiten duen itzal-zatitik igarotzen da Ilargia, eta, horregatik, eklipsatu egiten du Lurrak.

Zer ikus dezakegu eklipsean?

Ilargia ez da erabat ikusezina; bai, ordea, eguzki-eklipseetan. Kasu honetan, Ilargia ilundu egiten da, eta gorri-laranja kolorea hartzen du. Hori horrela da, batez ere, Eguzkiaren argi-izpiak Lurraren atmosferan errefraktatzean desbideratu eta Ilargira iristen direlako. Ilargiak hartzen duen kolorea atmosferaren une horretako egoeraren eta konposizioaren araberakoa da, batez ere.

Beheko irudian, Ilargiak Lurraren itzalean zehar egingo duen ibilbidea azaltzen da. Bestalde, Ilargia eremu horietatik —ilunantza eta itzalpea— zer ordutan pasatzen den ikus daiteke taulan. Itzalaren lekurik ilunena da itzalpea.

Ilargiak ekainaren 15ean osotasunaren unean izango duen posizioa.

Ilargi-eklipsea begiratu hutsean ikus daiteke, tresna optikoen beharrik gabe. Ilargia 21:49an aterako da horizontetik, eta, ordu horretan, eklipsea hasita egongo da. Ilargia itzalaren eremuan sartuta eta kolore gorrixka bereizgarri horrekin ikusiko dugu. 23:00etan, eklipsearen fase osoa amaitua izango da.